Dumënia 31 de agost: Porta davierta 14 - 18
La dumënia ai 31 de agost gëura l Museum Gherdëina dala 14 ala 18 per n domesdì particuler cun di de porta davierta. En ucajion dla finissage dla mostra de scultures ie l’entreda debant. L team dl museum ve saluderà persunalmënter y ve pieta vijites menedes uniches tres la culezion, che sarà da udëi per ntant dal 1 de setëmber inant mé te forma virtuela.Tour virtuel tres l Museum Gherdëina – online dal 1.09
Dai 1 de setëmber nchin ai 6 de dezëmber dl 2025 ie l Museum Gherdëina śarà pervia che l vën fat na mostra nueva. Chësc ne uel nia dì che n à da renunzië a na vijita, ntratan possen vijité l Museum Gherdëina te na forma virtuela.Coche pra na “drëta” vijita, possen fé na raida virtuela tl museum y se cialé ju i ubiec metui ora tla sezions dla geologia, mineralogia, flora y fauna, archeologia, ert y artejanat artistich.
Museum stlut per pudëi njenië ite la mostra nueva „Dal lën al juech“
La stluta de setëmber, utober y nuvëmber dëssa vester sciche na cërcia a n Museum de Gherdëina nuef. Te chësc tëmp vëniel metù ora te na mostra nueva l svilup dla roba da fé damat te Gherdëina. Pont zentrel ie la 8000 mostres dla roba da fé damat cun dessënies che ie unida sëurandata dala firma Sevi al museum. Perchël vën la mostra de scultures storica tëuta ju. La ti lascia la lerch a na presentazion defin nueva de na cerduda de opres d’ert di ultims cater centeneies, che sarà pona da udëi dal 2026 tl segondo partimënt.Raida storica y vijita ai mejes va inant nce d’autonn 2025
Ntan i mënsc dla stluta vën la vijites tematiches cun guida che ie sun l prugram dl Val Gardena Active fates inant: l vën pità la raida storica de Urtijëi y la raida di mejes sa Sacun.Iscrizions sota chësc link.
- Raida virtuela tres l Museum Gherdëina: online dal 1.09
- Iscrizions per la vijites tematiches: : Val Gardena Active
