„Dal lën al juech“: artejanant, design y marcià mundiel

 

I juesc da fé damat Sevi (1831–1998)

La mostra nueva tl Museum Gherdëina dal titul “Dal lën al juech” conta la storia dla firma storica Sevi, metuda mpe dl 1831 da Vinzen Senoner sa Vastlé tl chemun de Sëlva. Per cinch generazions à Sevi senià la vita de truepa families te Gherdëina, dal lëur te cësa su per l 19ejim secul nchin ala produzion moderna tla sënta nueva dla fabrich a Pontives, stlut l ann 1998. I juesc dla Sevi de Gherdëina à gudù de n suzes nternaziunel.
Tla mostra nueva iel da udëi pec uriginei cric ora dla culezion de passa 8000 mostres sëurandates al Museum de Gherdëina. Sëurapro vëniel cuntà dla tecniches dl lëur y de coche les se à mudà cun i mareies nchin a ruvé pra i deseniadëures y artisć de inuem che à firmà l design unich di juesc dla Sevi.
 
Nteratif y criatif:
La mostra cun mëises da pudëi se senté ju ntëurvia uel traspurté la sëur dl mond criatif dla berstot y nvië ite i vijitadëures de uni età a se tripé, sperimenté, costruì y jughé tl ambiënt espositif.
Families, scoles y ghesć possa tlo scuvierjer deberieda coche n tòch de lën se trasforma te n pez da fé damat do fantajia.
 
 

Inaugurazion y prugram

• 6 de dezëmber 2025, 17:00: Giaurida per autoriteies nviedes, cumëmbri y sustenidëures dl Museum Gherdëina
• 7 de dezëmber 2025, 14:00 – 18:00: Di de porta davierta, cun prugram per mutons y families
• Dal 8 de dezëmber 2025 inant: giaurida regulera dl Museum cun la mostra nueva (cëla orares de giaurida sota nfurmazions per i vijitadëures)