LAD | ITA | DEU | ENG

PRUGRAM Y FURMAZION CREATIVA DL MUSEUM GHERDËINA

L Museum Gherdëina nvieia families, grupes y persones de uni età a tò pert a manifestazions de n prugram culturel particuler. Pitli y granc possa scuvierjer adum la storia, cultura y l artejanat dla valeda cun vijites menedes, berstot creativa y autra prupostes interatives. Dessot sun chësta plata iel da abine duta la nfurmazions per planifiché vosta proscima vijita.
 

Raida storica de Urtijëi

Jì tres Urtijëi ie sciche viagë tl tëmp. La viles tl stil liberty fates su da artisć y ferlëgri nes porta ndëur te n tëmp ulache l ziplé garantiva n bensté ala valeda. La cëses de ferlëgher y la berstotes pieta na udleda ala ndustria dla roba da fé damat da n iede. Ntan la raida, nes conta ustaries y albiercs storics l’evoluzion de Urtijëi, ënghe coche luegia prijeda da alpinisć sibe d’instà che nce d’inviern.
 
Periodo: 7 dezëmber 2026 - 22 merz 2027, uni lunesc, dala 15:00 ala 16:30
Pont d’ancunteda: tl Museum
Rujeneda: tudësch, talian, nglëisc (aldò di partezipanc)
Priesc: 10 € VGA Parter y VG Club Card | 25 € DVG Partner | 30 €
Iscrizion: Museum Gherdëina, Lia dl turism de Urtijëi, S. Cristina y Sëlva (nchin dumënia dala 18)

Deplù nfurmazions
 
 
 

Lauré cun la lana y fé codles da Nadel

Scuvrion deberieda l viac dla lana: dal tënder la biescia, ai vares plu desvalives dla laurazion nchin al prudot finel. Daldò crion deberieda codles da nadel cun la lana dla biescies zidledes sa Sacun.
 
Can? 16.12.2026 dala 14:30 ala 16:30 (grupa A), 18.12.2026 dala 14:30 ala 16:30 (grupa B)
Chi? dala 3a elementera ala 3a mesana
Cuntribut: 10€ per uni mut/muta | Posć limitei!
Iscrizions: da juebia 03.12.2026, dala 20:00 inant, tres Whatsapp: 351 4847370 Museum Gherdëina
 
Mé per cumëmbri VKE!
 
Deplù nfurmazions
 
 
 
 
 
 
 

Prejentazion dl'audioguida per la mostra "Pec de n mond"

Ai 4 de dezëmber dala 18:00 da sëira, n prejënza dla curadëssa Jamila Moroder y de ujes defrëntes, vën prejenteda la nueva audioguida dl Museum Gherdëina.
 
Can? 4 de dezëmber, dala 18:00
Ulà? gran sala tl Museum Gherdëina
Ntreda debant
 
Deplù nfurmazions
 
 
 

Pedagogia museala per la scoles

Aldò dla cunescënzes dla sculées y di sculeies y di ubietifs de stude che n uel arjonjer, iel puscibl crì ora danter doi formes de mediazion:
 
Vijita meneda tla mostra permanënta sun n tema de Vosta vela, sciche per ejëmpl geologia, archeologia, ert o Luis Trenker (scola elementera, scola mesana, scola auta).
 
Azion interativa sota l’istruzion y la sëuravijion dla mediadëura/dl mediadëur. Per chësta azions iel a despusizion materai didatics che descëida ora l nteres.
  • Pec dl museum che va a cuer (scolina, scola elementera, scola mesana, scola auta)
  • Popes, ciavei da cuna y cramaices (scolina, scola elementera, scola mesana, scola auta)
  • Ladinia (s)cunesciuda (scola mesana)

Deplù nfurmazions y iscrizion:
info@museumgherdeina.it, Tel. 0471 797 554

 
 
 
 
 
 
 
 

Vijites menedes sun mesura per singuli y grupes

Scuvride l Museum Gherdëina te na maniera persunela, acumpanieda da n nosc mëinavijites.
 
Priesc: 60 € per 1-6 persones | 100 € per grupes nchin a 20 persones
 
Deplù nfurmazions