Prejentazion dla nueva audioguida per la mostra “Pec de n mond”
Can? mierculdi, ai 7 de utober 2026, dala 18:00
Ulà? tla gran sala tl Museum Gherdëina
N mierculdi, ai 7 de utober dala 18:00 da sëira, n prejënza dla curadëssa Jamila Moroder y de ujes defrëntes, vën prejenteda la nueva audioguida dl Museum Gherdëina. Chësta audioguida acumpanieia tres la mostra Pec de n mond. Jënt dla valeda y cun pruspetives spezialisedes conta dla stories y dla nfluenzes che ie do i lëures via y gëura na udleda sun l mond y sun l tëmp te chëi che i pec ie nasciui.
L ie da auzé ora che n possa scuté su ndut 24 stazions te sies rujenedes: ladin (LAD), tudësch (DE), talian (IT), nglëisc (EN), franzëus (FR) y spanuel (ES).
Deplù nfurmazions sun l’audioguida
Prugram
La sëira scumëncia cun la prejentazion dl cuntenut dl’audioguida da pert dla storica dl ert y curadëssa Jamila Moroder. Daldò vën n valguna dla stazions lietes dant dala ujes che ie nce da audì tl audioguida. Do la prejentazion nvion duc i presënc a n pitl renfrësch.
