Urtijëi 1860 - Sun la piedies de n mudamënt sot

Na spaziereda cun la diretëura dl museum Paulina Moroder - dal cheder storich al zënter dl luech, cun da dedò n aperitif sun plaza de dlieja

 
La manifstazion vën piteda tl cuntest dl art festiVal Gardena “Enes dl’ert”, na iniziativa culetiva dla Lies di artisc y urganisazions cultureles de duta Gherdëina.
 
 
Luegia de ancunteda: Museum Gherdëina, mostra “Pec de n mond”
Di: ai 11 de setëmber 2026
Orar: dala 5 da sëira
Fin: ntëur la 18:45, da dedò aperitif sun plaza de dlieja
Rujeneda: ladin
Numer de partezipanc: max. 15 persones
 
L vën prià bel de se nuté su danora
 
 
Co cialova pa ora Urtijëi ntëur l 1860? Ce persones, ideies y svilups economics à pa fat deventé l luech da paur n zënter mpurtant dl ziplé tl lën y dl’ert religëusa?
 
Chësta vijita particulera scumëncia tla mostra “Pec de n mond” tl Museum de Gherdëina: Dan la pitura de bera Śepl da Jumbierch, che mostra Urtijëi tl 1860, scumëncia n viac tl tëmp che nes porta te na epoca de mudamënc economics, soziei y culturei stersc.
Deberieda cun la diretëura dl museum Paulina Moroder jons a scuvierjer sun na raida da plaza Sant Antone nchin sun plaza de Dlieja cëses storiches liedes ala produzions y l cumerz de ert y chiena. Audiron stories che nes conta dl spirt da piunier de scultëures y ferleigheri, dla scumenciadiva mprenditëura y di raporc dl cumerz nternaziunel, dl suzes dla sozietà y mudamënt culturel sun la ëuta dl secul.
La raida mostra su coche la ndustria di juesc de lën y l'ert d’auteresc à purtà pro al svilup dl luech y à crià premisses mpurtantes per l turism che ie unit a s'al dé.
 
Finon via cun n aperitif deberieda sun plaza de dlieja per fine via chël che on audì y udù te n'atmosfera particulera.